Gjatë konferencës për shtyp në prag të finales së Superkupës kundër Real Madridit, kapiteni i Barcelonës, Sergio Busquets theksoi se nuk ka ende asnjë lajm nga e ardhmja e tij.
“Nuk ka ende asnjë lajm. Nuk kam vendosur asgjë. E rëndësishme është e tashmja. Jemi shumë të fokusuar te finalja e nesërme. Nuk do ta zbuloja kurrë këtë në një konferencë për shtyp”-deklaroi ndër të tjera Busquets.
Rikujtojmë se finalja e Superkupës së Spanjës Real Madrid-Barcelona, do të zhvillohet këtë të dielë në orën 20:00 dhe këtë supersfidë do të mund ta ndiqni ekskluzivisht në “SuperSport 2”.