Italia drejt përjashtimit nga Lojërat Olimpike të Tokyos. Ky është vendimi i CIO-s (Komiteti Olimpik Ndërkombëtar), që pritet të zyrtarizohet të mërkurën, në orën 17:30. Nëse nuk do të dekretohet ligji që zgjidh autonominë e CONI-t (Komiteti Olimpik Kombëtar Italian), Italia do të bëjë një figurë vërtet të keqe.
Sportistë si Federica Pellegrini apo Gregoria Paltrinieiri, mjafton të përmenden dy, do të mund të garojnë në evntin më të madh sportiv të vitit si të pavarur, pra jo me siglën e një shteti (pa flamur dhe himn), sikurse i ndodhi Bjellorusisë së Llukashenkos apo Rusisë, që u përfshi në skandalin e dopingut.
Do të ishte një figurë qesharake e vendin përtej Adriatikut edhe në këndvështrimin e Lojërave Olimpike Dimërorë Milano-Cortina 2026, që do të thotë se do të ndërpriten edhe financimet e CIO-s në Itali.
Më një fjalë, situata është shumë delikate dhe vetëm qeveria italiane mund ta zhbllokojë “in extemis”, pasi Lozana e ka bërë të qartë: ka gati vendimin për përjashtimin e Italisë nga Olimpiada.
Është një rast politik i paprecedent, duke qenë se dekreti për dhënien e autonomisë CONI-t është gati, por që ka mbetur thjesht për t’u aprovuar.
