Sulmuesi i Romës, Edin Dzeko luajti kundër Real Madrid të mërkurën në mbrëmje, por sipas mediave spanjolle në janar ai mund të bashkohet me kampionët në fuqi të Europës. Sipas të njëjtave burime, ‘Los Blancos” kanë nisur kontaktet me sulmuesin boshnjak dhe pritet që në janar të bëjnë një ofertë për ta transferuar atë në Madrid. Edin Dzeko po gëzon një formë të mirë që prej kalimit të tij në klubin italian nga Manchester City në vitin 2015, duke shënuar plot 74 gola me verdhekuqtë. Për sulmuesin më herët ka shprehur interes edhe skuadra e Chelsea-it.