Connect with us

Hi, what are you looking for?

Kategoria Superiore

E dielë “flakë” në Superiore, Kukësi dhe Teuta për të mos humbur “trenin” titull!

Tre sfida, njëra më interesante se tjetra. E diela e Superiores ndizet me tre ndeshje që premtojnë rivalitet dhe spektakël. Në orën 14:00 në Kamëz, Kukësi pret Tiranën në një sfidë që verilindorët duhet ta fitojnë me çdo kusht nëse duan të shpresojnë deri në fund te titulli kampion. Partizani është 8 pikë larg falë suksesit ndaj Kastriotit, kështu që verilindorët e Cungut duhet të kundërpërgjigjen sot, por misioni për të marrë maksimumin e pikëve përballë një Tirane që ka nevojë për pikë pasi nuk ka krijuar ende një diferencë të konsiderueshme me zonën e rënies nga kategoria, nuk do të jetë aspak i thjeshtë për Kukësin. Po në orën 14:00, në Gjirokastër Luftëtari i Ahmatajt pret Flamurtarin e Dajës. Dy skuadra në vështirësi financiare por që në fushën e lojës do të përpiqen të japin maksimumin për të marrë një fitore që do të ishte jetike për të dyja ekipet, pasi barazimi i kënaq përgjysmë. E diela e Superiores do të mbyllet me takimin e orës 17:00 mes Teutës dhe Kamzës. Në Niko Dovana, durrsakët e Shkëmbit do të kërkojnë fitoren e parë në kampionat për vitin 2019, përballë një Kamze që vjen me moralin e lartë pas kualifikimit ndaj Vllaznisë në Kupën e Shqipërisë. Të treja këto sfida të javës së 21-të të Superiores si gjithmonë do të keni mundësi t’i ndiqni live në ekranin e Supersport.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...