Bundesliga

E duan Inter-Juventus, “xholi” i Gjermanisë: Dy janë kushtet e mia

Matthias Ginter ndodhet në vitin e fundit të kontratës me M’Gladbach, skuadër ku u transferua në vitin 2017 nga Borussia Dortmund për shumën e 17 milionë eurove.

Mbrojtësi, i cili ka veshur 46 herë fanellën e kombëtares gjermane (2 gola) ka oferta të shumta nga Bundesliga dhe kampionate të tjera, ku bien në sy interesimet nga Interi e Juventusi.

28-vjeçari ka folur rreth së ardhmes së tij për Sport 1. “Do rinovoj apo do largohem si lojtar i lirë? Do të bëj vlerësime teknike, por jo vetëm.

Ambienti është shumë i rëndësishëm për mua, këtu te M’Gladbach ka qenë gjithmonë familjar. Sigurisht që do të shoh edhe ambiciet e klubit, do të zgjedh projektin që më përshtatet në mënyrë të përkryer.

Ka rëndësi edhe trajneri, është tepër e rëndësishme që ai të më pëlqejë si lojtar”, deklaroi qendërmbrojtësi, i cili mund të luajë edhe mbrojtës i djathtë e shkatërrues.

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency