Eintrachti i Frankfurtit vijon të tregojë një formë spektakolare në Bundesligë, teksa ka mposhtur mbrëmjen e sotme Schalken me rezultatin e thellë 3-0.
Joviç shënoi dy herë, ndërsa Haller vulosi rezultatin e takimit, me Eintrachtin që ngjitet tashmë në vendin e katërt të renditjes, në kuotën e 20 pikëve, duke parakaluar Bayernin.
Më herët, në orën 15:30 Leipzig mposhti gjithashtu me rezultatin 3-0 Bayer Leverkusenin, falë dopietës së Poulsen dhe golit të Klostermann. Edhe Leipzig shkoi në kuotën e 22 pikëve, duke parakaluar Bayernin dhe duke u renditur përkohësisht në vendin e tretë të tabelës.