Visar Bekaj është transferuar në Turqi. Portieri i Tiranës në Superiore dhe i përfaqësueses së Kosovës, ka firmosur me Hataysporin, që u tërhoq nga kampionati (Superliga turke) për shkak të tragjedisë së tërmetit të 6 shkurtit.
Hatayspori dhe Gaziantepi, skuadrat nga qytetet prej zonave më të prekura nga tërmeti, u detyruan të mos mbyllnin sezonin e fundit. Por, Federata Turke e Futbollit vendosi që të dy skuadrat të jenë pjesë e Superiores në edicionin e ri.
Lexo edhe:
- “Ndërhyrje nga qielli”/ Cana e Berisha kujtojnë momentin vendimtar ndaj Danimarkës (VIDEO)
- Zyrtare/ Një mesfushor për Shehin, Tirana prezanton afrimin e gjashtë
- E fundit/ FSHF ndërpret kontratën me shoqërinë “Over Sport”
- Brdariç mbetet në Azi, prezantohet në klubin e ri
Bekaj është përforcimi i Hataysporit për portën. 26-vjeçari nga Prishtina, ka kaluar me sukses testet mjekësore. Ai ishte pjesë e Tiranës në dy sezonet e fundit. Duke fituar titullin dhe Superkupën e Shqipërisë me bardheblutë.
“Gardiani” numëron edhe 4 ndeshje me Kosovën. Ndërkohë, Bekaj u shpall portieri më i mirë dhe pjesë e formacionit më të mirë në sezonin 2021/2022 në Superioren shqiptare.
“Më të Mirët 2022”, mbrëmja gala që organizoi FSHF dhe Digitalb, nderoi 11 futbollistët më të mirë në Abissnet Superiore. Mes tyre edhe Bekajn.
