Willy Gnonto, talenti italian që Leeds United e transferoi në merkaton e verës nga Zurich, sa vjen dhe bëhet më i rëndësishëm për skuadrën angleze. Trajneri Jesse March e vlerëson tepër 19-vjeçarin duke i dhuruar minuta ndërsa edhe tifozeria e Leeds është afeksionuar me sulmuesin, aq sa i ka dedikuar edhe një këngë.
Mirëpo, në përmbajtjen e këngës janë disa fjalë jo etike që lidhen me supremacinë e Gnonto ndaj rivalëve, teksa trajneri Marsch theksoi se është mirë që fansat t’a shmangin atë pjesë.
“Mua më vjen shumë mirë që fansat e duan kaq shumë Gnonton. Ndonjëherë më ndodh që të jem duke ecur në shtëpi dhe të këndoj korin e tifozëve, por dua që fansat ta modifikojnë pak dhe të rregullojnë fjalorin. Të tregojnë pak më shumë respekt”, u shpreh Marsch.
