Barça është prej një kohe të gjatë në ndjekje të të riut Karim Adeyemi (19 vjeç), por klubi “blaugrana” do të ketë rivalë të fortë për shërbimet e lojtarit të Red Bull Salzburgut, i cili ka debutuar edhe me përfaqësuesen e Gjermanisë.
Futbollisti i lindur në vitin 2002 me baba nigerian dhe nënë rumune, ka tërhequr vëmendjen e shumë klubeve me emër në Europë. Një nga skuadrat që është në pritje të asaj që do të ndodhë me Adeyemi është Liverpooli. “Daily Express” shkruan se “the reds” janë të gatshëm të paraqesin një ofertë për lojtarin e ri në merkaton e janarit, për të siguruar sa më parë një element që konsiderohet me të ardhme të ndritur në futbollin elitar europian.