Lois Openda u transferua verën e kaluar nga Club Brugge te Lens në Ligue 1. Sulmuesi belg shkëlqeu në sezonin e parë në kampionatin francez. Duke ndihmuar Lensin me 21 golat e tij për t’u shpallur nënkampion dhe për të siguruar kualifikimin në Champions League.
Openda ka tërhequr vëmendjen e shumë klubeve të njohura, mes tyre edhe të Milanit. Por, kuqezinjtë italianë duhet të shohin për një tjetër sulmues, pasi Openda do të vazhdojë karrierën në Bundesliga.
Bild raporton se agjenti i tij ka arritur akordin me drejtuesit e Leipzigut, klub që fitoi Kupën e Gjermanisë dhe siguroi kualifikimin në Champions League për sezonin e ardhshëm nga kampionati.
-
Lexo edhe:
Te Leipzigu e shohin lojtarin belg (8 ndeshje dhe 2 gola me Kombëtaren) si zëvendësuesin perfekt të Nkunku, i cili do të transferohet në Premier League te Chelsea.
Marrëveshja me sulmuesin është gjendur. Leipzigu duhet të bindë Lensin tani, që kërkon 30 milionë euro për të lënë të lirë lojtarin më të mirë të skuadrës.
