Epoka Erik ten Hag në krye të Manchester United po jep “frytet” e parë të suksesit me klubin anglez. Pavarësisht se eksperienca e tij te “Djajtë e Kuq” nuk nisi mirë me dy humbje në dy sfidat e parë në Premier League, e vërteta është që tekniku holandez ka transformuar United. Më së miri këtë gjë e tregojnë statistikat: ku në tetë sfidat e fundit midis kampionatit dhe Kupës, United njeh vetëm fitore.
Trajnerët e mirë dhe fitues nuk mungojnë në Angli dhe pa asnjë dyshim vitet e fundit ka qenë epoka e Pep Guardiolës dhe Jurgen Klopp, megjithatë në vitin e parë të tyre asnjë nuk ka bërë më mirë se Erik ten Hag.
Në 27 sfida zyrtare të 52-vjeçarit në të gjitha kompeticionet me anglezët deri tani ka arritur të triumfoj në 20 ndeshje, teksa asnjë nga kolegët e tij rivalë në Angli nuk ka arritur të regjistrojnë statistika më të mira se ai.
Gjithashtu, United këtë sezon është i vetmi klub anglez që konkuron në katër kompeticione: Premier League, Carabao Cup, FA Cup dhe Europa League. Ndikimi i Ten Hag te “Djajtë e Kuq” është shumë i madh, teksa të gjithë po i japin të drejtë edhe në çështjen e tij me Cristiano Ronaldon, me këtë të fundit që u largua nga klubi pas startit të Botërorit.
Prova e radhës për teknikun holandez do të jetë derbi i Manchesterit, me super sfidën United përballë Cityt, ku patjetër 52-vjeçari do të kërkoj hakmarrje pas disfatës së parë me rezultatin 6-3.
