Cesar Azpilicueta do të jetë përforcimi i parë i Barcelonës në merkaton e verës. Kapiteni i Chelsea ndodhet në vitin e fundit të kontratës dhe në qershor do të largohet me parametra zero.
Katalanasja Sport.es raporton se drejtuesit e Barcelonës kanë arritur një para akord me agjentin e mbrojtësit të djathtë, i cili luan me “Blutë e Londrës” prej vitit 2012.
Trajneri Xavi ka nevojë për eksperiencë tek ekipi katalanas, dhe ishte ai që po insiston për afrimin e Azpilicuetës. 32-vjeçari nga Pamplona (36 ndeshje dhe 1 gol me Spanjën) mund të mbulojë çdo pozicion në repartin e mbrojtjes.
Lojtari ka kaluar 12 vitet e fundit mes Marseille dhe Chelsea, dhe në verë do të rikthehet në La Liga, aty ku është aktivizuar me Osasunën në vitet 2007-2010.
[quiz-cat id=”288388″]
