Fahrudin Djurdjevic e nisi shumë mirë aventurën e tij te Vllaznia verën e kaluar. 30-vjeçari nga Maqedonia e Veriut shënoi dy gola në Conference League dhe në Shkodër menduan se u gjet sulmuesi që mungonte.
Gjithsesi, lojtari nga Shkupi nuk tregoi nivel të mirë gjatë vijimit të sezonit, duke e mbyllur atë me 2 gola (një në kampionat dhe një në Kupën e Shqipërisë) dhe një asist.
Aventura në Shkodër dhe në Abissnet Superiore zgjati vetëm një vit për të. Djurdjevic nuk ka humbur shumë kohë për të gjetur ekipin e ri, duke u rikthyer në shtëpi.
Ai ka firmosur me Makedonija GP, fituesin e Kupës së Maqedonisë së Veriut. Sulmuesi ka luajtur edhe në sezonet 2009-2010 dhe 2013/2014 me këtë ekip, që në raundin e dytë të Conference League do të sfidojë bullgarët e CSKA Sofia.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
