Lajm i pabesueshëm, por i vërtetë. Sinisa Mihajlovic pas 41 ditësh i shtruar në spital, për pjesën e parë të kurës kundër leucemisë, pasdite për befasinë e të gjithëve la spitalin Sant’Orsola në Bologna, për t’iu bashkuar skuadrës në grumbullim.
Një vendim surprizues që edhe një herë tregon guximin, kurajën dhe grintën e trajnerit serb. U kishte premtuar djemve të tij se do t’i drejtonte në ndeshjen e parë të kampionatit dhe kështu ndodhi.
Mihajlovic mbërriti në hotelin ku është akomoduar Bologna në Verona rreth orës 18:00 dhe mbante një maskë mbrojtëse. Ai ka mbajtur një fjalim prekës para futbollistëve para përballjes me Veronën.
Askush nuk e dinte për mbërritjen e tij, as drejtuesit më të lartë të Bolognës. Rreth orës 19:00 ka hipur në makinë, duke iu drejtuar stadiumit.