Në kampin e Schalkes në Mittersill (Austri), ka ndërruar jetë një 50-vjeçar përkrahës i skuadrës gjermane.
Shkaku i vdekjes është ende i paqartë, deri më tani nuk ka dëshmi apo shenja për dhunë.
Tifozi u gjet i vdekur në Qendrën e Parkut Kombëtar Mittersill, ku Schalke kishte prezantuar të mërkurën sponsorin e ri kryesor “MeinAuto.de”.
Lajmin e bëri publik vetë Schalke përmes një postimi në “Twitter” ku shkroi: “Lajm i trishtuar për familjen e klubit Schalke. Një mbështetës i bluve mbretërorë vdiq në kampin stërvitor në Mittersill për arsye ende të pashpjegueshme. FC Schalke 04 është me mendje me familjen dhe miqtë e tij. Ngushëllimet tona më të thella shkojnë për ata.”
Në fushë lojtarët dhe tifozët e pranishëm respektuan të ndjerin me një minutë heshtje.
