Në Itali dueli i mbrëmjes do të jetë Fiorentina-Milan, një takim që ka humbur shumë nga shkëlqimi i dikurshëm, ndërkaq më herët në orën 18:00 kampionët në fuqi ndonëse me probleme në formacion, nuk pritet të hasin shumë vështirësi në Ferrara në sfidën me Spalin e vendit të fundit, ndërsa në orën 15:00 interes ngjall gjithashtu edhe ndeshja Bologna-Udinese. Në Holandë ora 19:45 ofron takimin Feyenoord-Fortuna Sitard, ndërsa në Le Championnat në orën 17:00 në Province do të luhet ndeshja Marseille – Nantes. Në Angli është koha për të parë përballë njëra-tjetrës dy skuadrat që pozicionohen në vendin e dytë dhe të tretë në Premiership, për sfidën Leicester-Manchester City që do të zhvillohet në orën 18:30 në King Power Stadium, ndërkaq në Supersport si gjithmonë një hapësirë të vecantë e zë pikërisht Bundesliga. Kështu në orën 15:30 Borussi do të presë në Monchengladbach ekipin e Hoffenheim-it, ndërsa në 18:30 me interes pritet edhe sfida Schalke – Leipzig, ndeshje të cilat gjithë të apasionuarit e kampionatit gjerman do të kenë mundësi për t’i ndjekur si zakonisht nëpërmjet kanalit Eurosport 2.