Thomas Meunier vijon të japë mesazhe lamtumire. Mbrojtësit belg i ka mbetur vetëm një vit kontratë me Paris Saint Germain, por drejtuesit parizienë nuk janë ulur ende në bisedime për të rinovuar, ndaj dhe në verë janë të detyruar ta shesin.
Vetë 27-vjeçari deklaroi se i pëlqen shumë të luajë në Premier League, në veçanti te Manchester United, por shtoi se ka edhe preferenca të tjera. Meunier nuk e përjashtoi mundësinë që të luajë edhe në Lindjen e Mesme apo në Kinë sezonin e ardhshëm, gjithmonë në varësi të ofertave që do të ketë në tryezë.