Sezoni i parë me fanellën e Manchester Cityt nuk shkoi sipas parashikimeve për Kalvin Phillips. Mesfushori që u transferua verën e kaluar nga Leeds United nuk pati fatin me vete duke qenë se problemet fizike nuk e lejuan të bëhej pjesë e formacionit të trajnerit Pep Guardiola.
Nisur nga zhgënjimi në sezonin e parë, mediat flisnin për një largim të 27-vjeçarit teksa Liverpool pati shfaqur shenja interesi. Megjithatë, për të vendosur “pikat mbi i” mendon vetë Phillips i cili thekson se objektivi i tij është të respektojë deri në fund kontratën e tij me Manchester Cityn dhe të fitojë të tjerë trofe me The Citizens.
“U transferova te City për të luajtur futboll dhe për të fituar trofe, por këtë sezon nuk kam mundur të luaj aq sa do të doja. Do të mundohem duke nisur nga parapërgatitjet për sezonin e ardhshëm që të jem në formën më të mirë fizike dhe shpresoj të bëhem po aq i rëndësishëm për skuadrën siç janë aktualisht Rodri dhe Gundogan.
Lexo edhe:
- Çiklizëm/ Mbyllet Turi i Shqipërisë, një britanik kampion në edicionin e 80-të
- Reagon Tirana: U thyen shumë zemra, u vodh shpirti i tifozëve!
- Mesfushori i Wolves refuzon Arsenal-in, pret vetëm ofertën e Barcelonës
- Dikur titullarë, sot të padëshiruar, Marseille nxjerr në merkato dy lojtarë
Tani kam nisur të përshtatem edhe më shumë, sigurisht dëmtimi e bëri më të gjatë këtë periudhë. Megjithatë, është shumë më ndryshe nga fillimi kur shihja stërvitjen dhe mendoja me vete se çfarë m’u desh që kalova te City. Jam duke mësuar çdo ditë dhe dua të qëndroj këtu për pesë vitet e ardhshme.
Guardiola? Është e vështirë ta lexosh. Por, është pranë “tripletës” dhe është shumë i lumtur. Do të ishte fantastike ta fitonte Championsin me këtë klub. Ndonjëherë të “mbush” me informacion dhe është pak e vështirë, kjo ka qenë një nga vështirësitë më të mëdha për mua në fillim”, u shpreh Phillips.
