Andrea Cossu e përjetoi shumë keq rënien e Cagliarit në Serie B në sezonin e fundit. Skuadra sarde ngeci në një barazim 0-0 në fushën e Venezias në javën e fundit të sezonit 2021/2022 në Serie A, në një takim që nuk kishte vlera për vendasit.
Barazimi i kushtoi Cagliarit rrëzimin në divizionin e dytë të futbollit italian pas gjashtë vitesh dhe ish-kapiteni i ishullorëve, i cili në vitin 2010 ia doli të debutonte edhe me kombëtaren e kaltër, shfryu dufin ndaj një stjuardi, të cilin e goditi me grusht.
Sot është marrë vendimi për episodin e ndodhur më 22 maj. Menaxheri 42-vjeçar, për tre vitet e ardhshme nuk do të jetë në gjendje të marrë pjesë në asnjë ngjarje apo kompeticion sportiv.
Personi i goditur nga Cossu ngriti një padi dhe ish-futbollisti ofensiv tani do të detyrohet t’i shikojë ndeshjet nga shtëpia për tri vitet e ardhshme.