Për Edgar Çanin është një periudhë e errët në karrierë. Ish-sulmuesi i Partizanit dhe kombëtares shqiptare ka zgjidhur kontratën me skuadrën e Serie C, Vibonese pasi në këtë sezon nuk është aktivizuar në asnjë takim. Është një moment jo për Edgar Çanin që tashmë ka mbetur edhe pa skuadër pasi forma e tij sportive kohët e fundit ka qenë poshtë pritshmërive. 30-vjeçari ishte pjesë e Viboneses për 1 vit e gjysmë ndërkohë që sezonin e kaluar u aktivizua në 22 takime duke shënuar dhe 2 gola. Tashmë Edgar Çanit nuk i mbetet gjë tjetër veçse të kërkojë një tjetër skuadër për të vazhduar karrierën.
