Gjithçka gati për nisjen e edicionit të pestë të kampionatit të futbollit amator “Sunday League Albania”, një kompeticion që luhet në formatin 9×9 dhe që ka një popullaritet në rritje ta vazhdueshme, duke tërhequr interesin e të apasionuarve pas futbollit.
Shorti i kampionatit është hedhur në ambientet e stadiumit “Air Albania” drejtuesi i Departamentit të Futbollit Amator, Jurgen Demneri dhe specialistët e këtij departamenti, ndërkohë që të pranishëm ishin përfaqësues të shumtë të ekipeve pjesëmarrëse në këtë kampionat.
Lexoni edhe:
- Shqipëria fiton medalje në Botërorin e Mundjes, Abkarov valvit flamurin “kuqezi” në Serbi
- Nuk ka fitues në “Arenën e Demave”, Partizani-Egnatia ndajnë pikët
- Salernitana ngec në shtëpi, Torino triumfon në “Stadio Arechi”
- VIDEO/ Ronaldo pritet si mbret në Teheran, qindra njerëz në aeroport
Në edicionin e pestë të kampionatit 9×9 në Tiranë do të marrin pjesë 34 skuadra, të ndara në dy grupe, A dhe B, ku secili grup do të ketë në përbërjen e tij nga 17 ekipe. Formula e kampionatit to të jetë e njëjtë me sezonin e kaluar, ku pas ndeshjeve të grupeve do të vijohet edhe me fazën play-off.
Në grupin A do të bëjnë pjesë këto ekipe: Vila L, Ats, Immi, Md, Hidro Alfa, Panthers Shkodër, Barrikada, Primo, Elso, FB Passion, Raiffeisen Bank, Ferraj, Illyrian Eagles, Luminesen, Legjenda, Dymbëdhjeta dhe Vatër.
Ndërsa në grupin B do të bëjnë pjesë këto ekipe: Kastriotët, Dajti, Friends Team, Roamel, Alar, Antigonean, Futura Dent, Ccbs, Albamer, Confucius, Gaia Triumph, Juar Plast, Jata Market, Big Bite, FC Musa, North Gate dhe FC Parku.
Ndeshjet e javës së parë do të luhen më datën 25 shtator, ndërkohë që sezoni do të mbyllet në maj të vitit të ardhshëm. Edhe ky edicion pritet të dhurojë sfida dhe emocione të mëdha, nga ato që vetëm futbolli di t’i ofrojë, ndërkohë që edhe niveli i skuadrave dhe kampionatit ka ardhur duke u rritur në çdo aspekt, si përsa i përket organizimit, ashtu edhe cilësisë në fushë.
Më poshtë edhe kalendari i plotë për të dyja grupet dhe ndeshjet e javës së parë:
GRUPI A KALENDARI FSHF SUNDAY LEAGUE
GRUPI B KALENDARI FSHF SUNDAY LEAGUE ALBANIA
Grupi A / Java 1
MD – Vatër
Hidro Alfa – Ferraj FC
PRIMO MFC – FC Luminesen
Panthers Shkodër – FC Illyrian Eagles
IMMI – Raiffeisen Bank
Barrikada – FB Passion
ATS – Elso
Legjendat 9×9 – Dymbëdhjeta
Grupi B / Java 1
Friends Team – FC Parku
Al Ar – North Gate
ANTIGONEAN – Big-Bite
Kastriotët – FC MUSA
Futura Dent – Jata Market
Coca Cola Tepelena – Ju Ar Plast
Albamer – FC Confucius
FC Dajti – Gaia Triumph
