Egnatia mposht në fushën e saj Laçin me rezultatin 2-1. Rrogozhinasit shënuan nga një gol për pjesë teksa ai që hapi llogaritë e takimit ishte i zakonshmi, Raphael Dwamena. Në minutën e 11-të, sulmuesi ganez kontrolloi topin në brendësi të zonës kundërshtari dhe ia doli të mposhtë portierin Dajsinani. Në të 22-tën minutë ishte sërish Dwamena që tentoi, por këtë herë goditja e 28-vjeçarit nuk gjeti kuadratin e kurbinasve.
Në fraksionin e dytë, të besuarit e trajnerit Edlir Tetova shënuan edhe golin e dytë me anë të Sebastjan Spahiut. Në minutën e 56-të, mesfushori kombinoi bukur me Zejnullain dhe ndëshkoi në këtë formë ish-skuadrën e tij. Katër minuta më pas, vendasit patën mundësinë për të trefishuar shifrat, por Dwamena nuk pati fatin me vete dhe goditja e tij u ndal nga shtylla.
Lexo edhe:
- Partizani-Tirana në “Air Albania”, derbi shtyhet me 23 ditë
- “E duam kapiten”, Lecce ëndërron, Ramadani “mbreti” i mesfushës
- “Dritë në fund të tunelit”, Pochettino jep lajmin e madh për Brojën
- “Gjest i madh, Onana tregoi personalitet”, Ten Hag e merr në mbrojtje
Megjithatë, miqtë nuk u dorëzuan dhe shkurtuan diferencat në të 84-tën. Ujka provoi nga distanca me topin që u devijua nga Malota dhe përfundoi në rrjetë teksa portieri Sherri nuk mundi të bënte asgjë për të shmangur golin.
Gjithsesi, Egnatia e mbrojti deri në fund rezultatin dhe mori tre pikë shumë të rëndësishme duke u rikthyer te fitorja pas barazimit me Partizanin. Rrogozhinasit ngjiten në kuotën e 101 pikëve, po aq sa edhe Tirana kryesuese. Nga ana tjetër, pas dy fitoreve radhazi, Laçi rikthehet t disfata me kurbinasit që mbeten të pestët me shtatë pikë.
