Pas disa largimeve si Valpoort, Gadi, Çyrbja, Djuric, Djuardi apo edhe Ndraxhi, te Egnatia po mendojnë të përforcojnë organikën për pjesën e dytë të sezonit dhe në këtë formë janë përqëndruar te merkato në hyrje.
Sondazh/ Sa besoni te agjencitë imobiliare?
Së fundmi, klubi rrogozhinas ka zyrtarizuar marrëveshjen me mesfushorin Ildian Shyti. Ky i fundit është një njohje e vjetër për Egnatian pasi ka qenë pjesë e skuadrës edhe në sezonin e kaluar kur arritën objektivin për t’u ngjitur në elitë.
Shyti eksperiencën e fundit e ka me Pogradecin në Kategorinë e Parë, megjithatë, njëjtë si në rastin e portierit Klevis Hasanbelli, edhe ai rikthehet për të kontribuar që ekipi të qëndrojë në Superiore ndërsa do të vihet menjëherë nën urdhrat e trajnerit Zekirija Ramadani.