Borussia e Dortmundit u ngjit të paktën përkohësisht në krye të renditjes në Bundesligë, pasi mposhti 3-1 në Signal Iduna Park në takimin hapës të javës së tretë Eintrachtin e Frankfurtit, që bëri gjithçka mirë deri rreth 20 minuta para fundit, por që u detyrua të largohej pa pikë nga kjo transfertë.
Diallo shënoi golin e parë për verdhezinjtë në minutën e 63-të pas një goditjeje këndi të vendasve, mirëpo Eintrachti reagoi në mënyrën e duhur në fraksionin e dytë, duke barazuar shifrat në minutën e 68-të me Haller.
Një lëvizje e bukur e Sancho nxori bosh dy mbrojtës kundërshtar, ndërsa Wolf kompletoi aksionin me një goditje të saktë brenda zonës, 2-1.
Miqtë u hodhën në sulm në minutat e fundit për të tentuar barazimin, por u ndëshkuan edhe nga goli i tretë, me autor ish-sulmuesin e Barcelonës, Paco Alcacer.