Futboll

Ejon Vucaj, zyrtarisht te Vllaznia

Tashmë është zyrtare, Erjon Vucaj është i Vllaznisë. Janë dashur vetëm pak orë pas arritjes së akordit total mes futbollistit dhe klubit kuqeblu, sic ishte paralajmëruar nga Supersport, palët kanë kaluar te firmat me 26 vjecarin që tanimë rikthehet te Vllaznia , aty ku nisi karrierën si profesionist 10 vjet më parë. Menjëherë pas hedhjes së firmës dhe fotos së prezantimit Erjon Vucaj është nisur drejt Beranes në Mal të Zi aty ku Vllaznia po zhvillon një minifazë përgatitore për tu bashkuar me skuadrën duke u vënë nën urdhërat e trajnerit Armando Cungu. Vlerësimi i teknikut 44 vjecar për aftësitë e Vucajt në mesin e fushës ka qenë vendimtar për realizimin e këtij transferimi ndërkohë që edhe tifozeria kuqeblu e shikon me sy të mirë afrimin e tij si një produkt i futbollit shkodran. Vucaj është afrimi i pestë për Vllazninë në këtë sesion të merkatos pas atyre të Edon Hasanit, Gilman Likës, Nuredin Orelesit dhe sulmuesin nga Gana Charles Atsina. Klubi ka rinovuar kontratat me një pjesë të mirë të skuadrës që mbylli sezonin e kaluar, prej nga ku largimet me të rëndësishme janë ato të ish kapitenit Ndricim Shtubina dhe Elis Bakajt që kanë kaluar te Kukësi, si dhe ai i mbrojtësit Ditmar Bicaj, tanimë pjesë e Flamurtarit.

To Top