Shqipëria ka dorëzuar këtë të mërkurë në UEFA aplikimin për organizimin e Kampionatit Evropian të 19-vjeçarëve në vitin 2026.
Federata Shqiptare e Futbollit ka paraqitur në qeverinë Evropiane të futbollit të gjithë dokumentacionin për të konkurruar për të drejtën e organizimit të finaleve të Kampionatit Evropian për të rinjtë.
Presidenti Armand Duka lajmëroi se është realizuar aplikimi, por SuperSport mëson se bëhet fjalë për Evropianin e vitit 2026. Me zhvillimin infrastrukturor në vitet e fundit, tashmë, vendi ynë e ka kapacitetet për të pritur një organizim të këtyre përmasave.
Lexo edhe:
- Kahn: Muller nuk do largohet nga Bayern, do e bind unë të qëndrojë
- Roma pranë goditjes së dytë në merkato, arrihet akordi me mbrojtësin francez
- 500 ndeshje me fanellën bardhezi, Bonucci: I lumtur që kam bërë histori me Juven
- Mourinho lartëson autorin e golit: Është i pjekur si një 30-vjeçar
Në draftin e paraqitur është gjithë dokumentacioni i kërkuar, për kushtet dhe mundësitë që ofron Shqipëria për organizmin e një kompeticioni të tillë që do të ishte më i madhi i zhvilluar ndonjëherë në vendin tonë.
Pas organizimit të finales së Conference League tani Shqipëria ka dhe eksperiencën për të organizuar një tjetër ngjarje, akoma dhe më të madhe.