Connect with us

Hi, what are you looking for?

Kategoria Superiore

Ekskluzive/ Skuka transferimi më i shtrenjtë, Supersport mëson detajet e kontratës

Xhuliano Skuka nis aventurën e re në Francë, ku do të jetë pjesë e Metz. Sulmuesi dibran kaloi me sukses testet mjekësore mëngjesin e së hënës dhe më pas firmosi një kontratë për 3 vite e gjysmë. Supersport mëson ekskluzivisht detajet e kontratës, me Skukën i cili bëhet transferimi më i shtrenjtë nga kampionati shqiptar.

Partizani do të përfitojë plot 1.4 milionë euro, duke arritur një transferim rekord! Paga e lojtarit do të ketë një progres në rritje: sezonin e parë do të përfitojë 330 mijë euro, në vitin e fundit 420 mijë euro.

Përveç rrogës, për Skukën do të ketë shumë bonuse si për aktivizimin, golat e shënuar dhe një bonus special nëse Metz ngjitet ne Ligue 1. Një hap i madh për futbollin shqiptar, që rrit ndjeshëm nivelin e merkatos në vendin tonë. Skuka i besoi këtë transferim menaxherit Shkumbin Qormemeti, i cili punoi prej disa ditësh për të konkretizuar këtë marrëveshje të bujshme.

Qormemeti thyen dhe rekordin e mëparshëm të transferimeve, me Peter Olainkën, i cili u largua për shifrën e 1.1 milionë eurove nga Skënderbeu tek belgët e Gent. Skuka realizon një rrugëtim fantastik, teksa i mjaftoi vetëm një vit kalendarik të Partizani për të shpërthyer.

 

Janarin e shkuar, drejtori i përgjithshëm Olsi Rama, insistoi dhe me këmbëngulje arriti që ta transferonte te Partizani nga Dinamo, që nuk besonte më tek ai. Për 24-vjeçarin pati oferta konkrete nga Verona, që ofroi 750 mijë euro, dhe Bordeaux, me francezët që shkuan deri në 1 milion euro, por në fund, Metz e rriti ofertën, duke arritur dhe marrëveshjen me klubin e Partizani dhe lojtarin dibran.

Karriera e goleadorit shqiptar nisi tek Korabi ku dha sinjalet e para për cilësinë e tij, për t’u transferuar më pas tek Dinamo, skuadër ku nuk gjeti hapësira, gjë që i dha mundësinë për të kaluar te Partizani, për të shkëlqyer e për t’u bërë lojtari më i shtrenjtë i shitur ndonjëherë nga kampionati shqiptar.

Në gjysmën e parë të këtij edicioni, Skuka shënoi 10 gola në 17 ndeshje, duke qenë shënuesi i dytë më i mirë, ndërsa së fundmi është bërë pjesë e Kombëtares së Shqipërisë, ku është aktivizuar në 4 miqësore e ka shënuar dhe një gol ndaj Armenisë.

 

Karriera e Skukës tani merr një tjetër rrjedhë, pasi ka mundësinë për të treguar vlerat dhe në futbollin e madh, e do të synojë që të ndihmojë të ngjitet në elitën e futbollit francez, teksa aktualisht skuadra e tij e re ndodhet në vendin e tretë me 31 pikë, me dy pikë më pak se vendi i dytë që të çon në Ligue 1.

Lajme të tjera

Katar 2022

Lionel Messi rikthehet të flasë për triumfin e Argjentinës së tij në Botërorin Katar 2022. Në një intervistë të gjatë kapiteni i kombëtares albiceleste...

Kategoria Superiore

Vesel Limaj u largua nga Tirana drejt Rumanisë, duke ndërprerë me konsensus marrëdhënien me kampionët e Shqipërisë. Për SuperSport, futbollisti nga Malisheva i lindur...

Featured

Gjatë periudhës së merkatos, janë të shumta mundësitë që një lojtar të ndryshojë klub dhe fanellë. Mirëpo, edhe pse shumë të rrallë, ka nga...

Futboll

Portieri i Yeni Malatyaspor, Ahmet Eyup Turkaslan raportohet mes viktimave që humbën jetët nga tërmeti vdekjeprurës në Turqi. Lajmin tragjik e zyrtarizoi trajneri Yalmaz...