Pas dështimit në finalen e Kupës së Botës Katar 2022, Franca nis ndryshimet dhe revolucioni duket se ka filluar nga porta. Kështu i pari që vendosi të tërhiqej ishte kapiteni dhe portieri titullar, Hugo Lloris, i cili deklaroi pak ditë më parë se kishte ardhur moment të hapte rrugë.
Megjithatë Lloris nuk është i vetmi që tërhiqet, pasi lamtumirën “gjelave” ua ka dhënë edhe portieri tjetër Steve Mandanda, i cili në moshën 37-vjeçare vendosi të tërhiqet nga angazhimi me përfaqësuesen franceze.
Ky i fundit vesh fanellën e përfaqësueses franceze që prej 2008-ës dhe në 2018-ën ishte pjesë e skuadrës që u shpall Kampion Bote në Rusi, por tani ka vendosur t’i hapë udhë Mike Maignan.
Portieri i Milanit nuk ishte në Katar për shkak dëmtimi, megjithatë për atë që ka treguar në 2-3 sezonet e fundit, duket se do të jetë njeriu që do të mbrojë portën e “gjelave” në të ardhmen.