Stephan El Shaarawy po tundohet seriozisht nga oferta milionere që ka marrë nga Kina. Edhe pse është në kulmin e karrierës, 26-vjeçari po merr në konsideratë hipotezën e transferimit në kampionatin kinez ku Shanghai Shenhua i ofron jo pak por 12 milionë euro në vit, të njëjtën ofertë që i bëri edhe kroatit Ivan Perisic i cili e refuzoi. El Shaarawy ka vetëm një vit të mbetur në kontratën me Romën dhe shanset për të rinovuar janë pothuajse zero ndaj dhe kjo situatë do të lehtësonte kalimin në radhët e Shanghait ku do të firmoste për 3 sezone.
