Shqipëria U19 e drejtuar nga Ervin Bulku ka dështuar totalisht në fazën e parë eliminatore të Europianit të kësaj grupmoshe. Kuqezinjtë humbën të tre përballjet e grupit, duke mos arritur të marrin asnjë pikë, ndonëse patën favorin që t’i zhvillonin të tre takimet në stadiumin “Elbasan Arena”.
Pas humbjes 3-1 ndaj Irlandës dhe 2-0 ndaj Belgjikës, djemtë e Bulkut u mposhtën edhe në sfidën e fundit ndaj Sllovenisë me rezultatin minimal 1-0.
Lexoni edhe:
- Vendimi i papritur/ U rendit pas Shqipërisë, jep dorëheqjen trajneri i Çekisë
- Derbi i Italisë, qëndrimi tek Interi…, Asllani rrëfehet për Mediaset: Itali-Shqipëri? Do të ishte bukur
- “Ancelotti ka firmosur me Brazilin”, trajneri italian rrezikon sanksionin e ashpër
Vendosi fatin e takimit Macak, që u aktivizua në fillim të pjesës së dytë dhe shënoi në prekjen e parë të topit, teksa suksesi minimal 1-0 u mjaftoi sllovenëve që të mbyllin eliminatoret në vendin e dytë me 5 pikë, një më shumë se Irlanda.
