Emisioni Analizë Kuq e Zi, publikoi statistikat e sezonit për tre prej legjionarëve më të dalluar të këtij sezoni, Myrto Uzuni, Qazim Laçi dhe Ylber Ramadani. Dy të parët e përfunduan sezonin si kampionë, teksa beratasi triumfoi në LaLiga 2 me Granadën. Sulmuesi ishte lojtari më i dalluar i skuadrës me 23 gola të shënuar duke u shpallur edhe golashënuesi i kampionatit.
Nga ana tjetër, kampion u shpall me Spartën e Pragës edhe Qazim Laçi. Mesfushori që u transferua në janar në kampionatin çek arriti rë festoj me trofe ndërsa u shndërrua ndeshje pas ndeshje në një lojtar të rëndësishëm për Spartën e Pragës.
Lexo edhe:
- Trajneri Sylvinho publikon listën për ndeshjet e qershorit, risi dhe rikthime nga braziliani
- EKSKLUZIVE/ As Bundesliga dhe as Serie A, ja ku do të jetë e ardhmja e Igli Tares
- Kontratë dyvjeçare, Chelsea konfirmon trajnerin e ri
- Partizani feston titullin e 17-të në histori, Vllaznia shkon në Europë. Bie Bylisi, shpresë për Erzenin!
Sakaq, Ylber Ramadani pjesë e Aberdeen në Skoci ishte një nga legjionarët më të aktivizuar në këtë sezon. Mesfushori rezultoi një “busull” në mesfushë për skocezët që e mbyllën kampionatin në vendin e tretë dhe do të marrin pjesë në kualifikueset e Conference League.