Pas largimit të Kristjan Asllanit në drejtim të Interit, Empoli nisi punën për të gjetur zëvendësuesin e mesfushorit të kombëtares shqiptare.
Razvan Marin është emri, që sipas medieve italiane do të marrë vendin e mesfushorit shqiptar te Empoli.
Lojtari ka kontratë deri në 2024-ën me Cagliarin, megjithatë mediet italiane e kanë bërë fakt transferimin e tij te Empoli. Madje theksohet se marrëveshja mes palëve është arritur dhe 26-vjeçari pritet të kalojë te ish-skuadra e Asllanit për 8 milionë euro.
Në sezonin që u mbyll mesfushori luajti në 36 ndeshje me Cagliarin dhe në to dha 6 asist.