Emre Can ishte gjatë verës një nga futbollistët më të kërkuar në merkato, për të cilin interesim më konkret shfaqi Juventusi, por drejtuesit e Liverpulit rezistuan deri në fund, duke mos lejuar largimin e turko-gjermanit. Në një intervistë për “Kicker”, 23-vjecari, kontrata e të cilit përfundon në verë të 2018-ës, la gjithcka të hapur rreth të ardhmes së tij.
“E kam për nder që një klub i rëndësishëm të më bëjë ofertë, por për momentin jam i fokusuar te sezoni im me Liverpulin. Me gjithcka tjetër merret menaxheri im. Premier League është kampionati më interesant në botë, por nuk e di se cfarë do të ndodhë dhe cilat janë synimet e trajnerit Jurgen Klopp.”
Fjalë mjaft domethënëse këto të Emre Can, i cili u jep sinjale klubeve më të mëdha europiane pak muaj para celjes së merkatos dimërore. Livepuli, nëse nuk dëshiron ta humbasë me parametër zero, duhet të gjejë blerës në janar, ndryshe do të humbiste shumë finaciarisht në fund të sezonit.
