Pierre Emerick Aubameyang ishte një nga objektivat më të rëndësishëm të Milanit dhe realit të Madridit verën e kaluar, por janari solli një destinacion për të. Sulmuesi i Borusias së Dortmundit do të transferohet në Kinë te skuadra e Guangzhou Evergrande, që drejtohet nga italiani Fabio Cannavaro.
Klubi kinez do të paguajë plot 72 milionë euro për kartonin e sulmuesit nga Gaboni, që do të qëndrojë deri në fund të sezonit te Borusia e Dortmundit. Ende nuk bëhen të ditura detajet e kohëzgjatjes së kontratës dhe pagës së futbollistit, por sigurisht që bëhet fjalë për një shumë të majme.