Tjetër prezantim te Partizani mesditën e kësaj të shtune. Bëhet fjalë për beratasin Eneo Bitri, i cili ka luajtur më parë me Tomorin, që nga të rinjtë e deri në ekipin e parë, në Kategorinë e Parë. Ai luan si mbrojtës, kryesisht të qendrës, ndërsa është 21 vjeç.
Futbollisti në fjalë është aktivizuar në 22 ndeshje dhe ka shënuar 6 gola në sezonin e kaluar, me fanellën e skuadrës së vendlindjes. 15 herë kampionët e vendit duket qartë se kanë ndryshuar strategji, duke afruar lojtarë të rinj e me të ardhme, pavarësisht se nuk janë provuar ende në nivelet më të larta.
