Connect with us

Hi, what are you looking for?

Moshat Kuqezi

Epoka e re/ Krijohet për herë të parë përfaqësuesja e rajonaleve U-13, stacioni nga ku nis e ardhmja kuqezi

Pas prezantimit të projektit të ri për përfaqësueset rajonale kombëtare nga drejtori teknik Fulvio Pea, ku objektivi kryesor është rritja e cilësive të futbollistëve shqiptarë që në bazë, Departamenti i Ekipeve Kombëtare në FSHF do të organizojë për herë të parë një seleksionim me lojtarë të moshës U-13.

Dhe pikërisht këta futbollistë të grumbulluar do të jenë ata të cilët do të krijojnë përfaqësuesen e rajonaleve U-13 , skuadër që do të formojë unazën e parë te zinxhirit mbi të cilën do të vendosen themelet për planifikimin e së ardhmes.

Lexo edhe:

Nën drejtimin e trajnerit Erjol Merxha, skuadra e kuqezinjve të vegjël do të zhvillojë një seleksionim dy ditor për herë të parë këtë të mërkurë të 24 majit në ‘Shtëpinë e Futbollit’ në Tiranë. Trajneri Merxha do të ketë nën urdhrat e tij 20 lojtarë, të cilët janë përzgjedhur nga përfaqësueset rajonale të Tiranës, Durrësit, Shkodrës, Fierit, Gjirokastrës, Korçës, Elbasanit dhe Lezhës.

Në bazë të programit, kuqezinjtë e vegjël do të zhvillojnë dy seanca stërvitore në ‘Shtëpinë e Futbollit’ sot dhe nesër, ndërsa pasditen e së enjtes do të zhvillojnë edhe ndeshjen e parë testuese kundër përfaqësueses rajonale të Tiranës U-13.

Me krijimin e përfaqësueses së rajonaleve U-13 dhe së shpejti do të krijohet edhe përfaqësuesja e rajonaleve U-14, synohet që këto dy skuadra të jenë një mbështetje e madhe për ekipin Kombëtar U-15, që merr pjesë në kompeticione ndërkombëtare për t’u dhënë mundësinë futbollistëve shqiptarë të kësaj grup-moshe, jo vetëm atyre që luajnë jashtë, që të jenë pjesë e ekipeve tona kombëtare dhe që ato të ndihen më të motivuar.

Lajme të tjera

Merkato

Antonio Conte e kishte një nga dëshirat e merkatos dhe presidenca e Napolit ia ka plotësuar. Alessandro Buongiorno është futbollisti më i ri i...

Premier League

Një tjetër futbollist shqiptar në Premier League. Futbollisti kuqezi, Matteo Dashi, do të jetë pjesë e skuadrës së parë të Crystal Palace duke nisur...

Merkato

Mehdi Taremi është zyrtarisht sulmuesi i ri i Interit. Kampionët e Italisë kanë prezantuar 31-vjeçarin iranian, i cili vjen si lojtar i lirë nga...

Merkato

Milani ka zgjedhur t’i besojë trajnerit Paulo Fonseca stolin për sezonin e ardhshëm, por merkatoja nuk ka nisur të nxehet ende, teksa kjo ka...