Erjon Vucaj do të jetë pjesë e Deçiçit në Mal të Zi. Fantazisti, i cili ishte pjesë e Dritës në gjysmën e parë të edicionit, ka preferuar që ta vijojë karrierën e tij me skuadrën shqiptare të qytetit të Tuzit, duke firmosur për një vit e gjysmë. Mesfushori shqiptar ishte pjesë e Dritës që nga viti 2018, ku numëron 103 ndeshje në kampionat, 6 në Kupë, 1 ndeshje në Superkupën e Kosovës dhe 7 ndeshje në arenën ndërkombëtare.
Për mesfushorin, i cili në të shkuarën ka qenë pjeë e Laçit, Flamurtarit, Tiranës dhe Vllaznisë, kishte interes dhe nga skuadra e Thomas Brdaric, por në fund zgjodhi që të bashkohej me ekipin malazez.
Deçiç prej edicionit të shkuar është paraqitur mirë në elitën e futbollit të Malit të Zi, teksa siguroi pjesëmarrjen në kupat e Evropës. Ishte pikërisht Drita e Vucajt që e eliminoi në verë nga Conference League. Aktualisht, skuadra nga Tuzi ka grumbulluar 33 pikë, duke u pozicionuar në vendin e dytë, shtatë më pak se Sutjeska e vendit të parë.
