Erzeni është skuadra me rendimentin më negativ në javët e fundit, teksa nuk fiton prej 10 marsit, e që nga ajo kohë kanë marrë vetëm 3 barazime në 9 ndeshje. Shijakasit tani e shohin veten në vendin e tetë të rënditjes, ose e thënë ndryshe në zonën e play-out. Erzeni rrezikon fundin e tabelës, pasi ndjen dhe presionin e Bylisit 2 pikë më pak e dy javët e fundit do të jenë përcaktuese, aq më tepër që në ndeshje direkte ballshiotët janë më të favorizuar.
Ndeshja e radhës për Erzenin do të jetë në Kukës Arena, një finale e vërtetë për ekipin nga Shijaku që sfidon një rival direkt. Verilindorët janë disi më komod, pasi jo vetëm luajnë në shtëpi ndaj një kundërshtari që e kanë mbrapa në renditje, por në takimin e fundit takohen me Egnatian që e ka arritur objektivin e saj e të besuarit e Rraman Hallaçit janë më të sigurt në garën për mbijetesë. Barazimi mund të mos jetë i mjaftueshëm për Erzenini, ndërkohë që për Kukësin është një rezulat i pranueshëm që e mban në vendin e shtatë por matematikisht do i duhet që të sigurojë evitimin e tre vendeve ë fundit në takimin me rrogozhinasit
Lexo edhe:
- E bujshme/ Ferrari “josh” Hamilton, e fton të thyejë rekordin e Schumacher me “kokëkuqjen”
- DigitAlb – Zgjedhja e vetme për Shqiptarët dhe Diasporën
- Nga kualifikimet europiane, te sukseset në kampionate/ Rekordet e trajnerit Ilir Daja!
- Arteta zbulon zëvendësuesin e Xhakës, në shënjestër kapiteni i rivalëve të Premier League
Erzeni luan gjithccka për gjithçka, pasi një humbje në Kukës do bënte që në javën e fundit të luante për të shmangur rënien direkte, diçka që e rrezikon jo pak. Pas Kukësit, Erzeni pret Tiranën kryesuese, me shkallën e vështirësisë që sa vjen e rritet.
