Intervista e sulmuesit anësor të Kukësit, Valon Et’hemi, dhënë për emisionin “Gol pas Goli” në Supersport, pas barazimit 0-0 përballë Partizanit.
Keni spikatur në javët e fundit, ku edhe skuadra ka marrë rezultate të mira. Çfarë ndikoi?
Mendoj se ishte çështja e modulit, pasi tashmë jam më afër portës kundërshtare dhe dëgjoj me vëmendje këshillat e trajnerit për të qenë në dispozicion të skuadrës.
Mendoni se mund të shkoni te titulli?
Kemi marrë rezultate pozitive javët e fundit dhe kjo ka rritur optimizmin. Duhet të përmirësojmë finalizimin dhe jemi në rrugën e duhur për titull, pasi kemi cilësi në skuadër.
Nga Mamurrasi, te Kukësi. Cili është hapi i radhës?
Të shohim. Unë përqendrohem vetëm të punoj shumë dhe të jap maksimumin, pastaj me pak fat, mund të eci shumë më lart, por të shohim.