Nuk ka më dilema për të ardhmen e Etrit Berishës. “Gardiani” shqiptar i Atalantës do të transferohet te SPAL-i po në Serinë A.
Lajmin e jep gazetari italian, Gianluca Di Marzio, që është i specializuar për lëvizjet e futbollistëve, i cili siguron se të enjten Berisha do të kryejë vizitat mjekësore.
Gjatë këtij sezoni, 30-vjeçari ka luajtur në 18 ndeshje të kampionatit, por zgjedhje e parë për Gasperinin mbetet Gollini.