Italia U21 regjistron fitoren e parë në Euro U21, kualifikohet Anglia U21, ndërkohë që zhgënjejnë gjermanët e vegjël. Të kaltrit fituan 3-2 ndaj moshatarëve nga Zvicra.
Sfidë ku për kombëtaren helvete e nisën si titullarë tre lojtarë me origjinë shqiptare: Kastrioti Imeri, Ardon Jashari dhe Amir Saipi. Italia dominoi fraksionin e parë të ndeshjes. Duke gjetur rrugën e rrjetës me Lorenzo Pirola, Wilfried Gnonto dhe Fabiano Parisi.
https://twitter.com/i/status/1673016170927255552
Por, Zvicra ishte pranë barazimit të çmendur në pjesën e dytë. Kastrioti Imeri (eurogol) dhe Zeki Amdouni tundën rrjetën italianë në minutat e para të pjesës së dytë.
Lexo edhe:
- Ekskluzive/ Zguro firmos me kampionët, zyrtarizimi të hënën
- VIDEO/ Gjashtë minuta për golin e fitores, Vrioni rikthehet protagonist në Amerikë
- Sulmuesi i kombëtares bëhet me skuadër të re, prezantohet te kampionët
- I kënaqur nga impenjimi dhe guximi i futbollistëve;, Sylvinho: Shoh detajet, kemi lojtarë inteligjentë
Gjithsesi, të kaltrit menaxhuan avantazhin dhe siguruan fitoren e parë në grupin D. Aty ku bëjnë pjesë edhe Franca dhe Norvegjia.
Anglia triumfoi 2-0 ndaj Izraelit. Falë golave të Anthony Gordon dhe Emile Smith Roëe (supergol). Duke kryesuar grupin C me 6 pikë të plota dhe duke u kualifikuar.
Grup ku rrezikon Gjermania pas humbjes 2-1 ndaj Çekisë. Goli i Angelo Stiller i dhuroi barazimin e përkohshëm skuadrës gjermane, që numëron një pikë. Po aq sa Izraeli. Ndërkohë që Çekia mban vendin e dytë me 3 pikë.
