Drita iu fal një eurogoli të kapitenit Ardian Limanit për të fituar 0-1 përballë Dukagjinit. Suksesi i tretë radhazi për skuadrën nga Gjilani, që kryeson renditjen e Superligës në Kosovë me 27 pikë, duke vijuar të jetë e pathyeshme edhe pas javës së 11-të.
“Intelektualët” numërojnë 27 pikë, gjashtë më shumë se kampionët e Ballkanit, të cilët kanë luajtur tre ndeshje më pak për shkak të angazhimit në Conference League. Besnik Krasniqi u ndëshkua me karton të kuq në minutat e fundit, por Drita ia doli të ruante avantazhin.
Feston edhe Prishtina në kryeqytet përballë Ferizajt, kundërshtar të cilin e mposhti 2-1. Dy golat e Leotrim Kryeziut rikthyen te fitorja pas tre javësh rekordmenët e futbollit dardan, të cilët janë ngjitur në kuotën e 15 pikëve në vend të tretë.
Superliga e Kosovës
Java e 11-të
Dukagjini-Drita 0-1
(Limani 6′)
Prishtina-Ferizaj 2-1
(Kryeziu 6′, 67′ / Hasanaj 83′)