Buqëqesh më në fund Barcelona. Blaugranat u rikthyen te fitorja në Euroleaguen e basketbollit pas 3 humbjeve radhazi, duke larguar krizën. Në “Palau Blaugrana”, skuadra e trajnerit Sito Alonso arriti një fitore të madhe pasi shpartalloi nënkampionët në fuqi të Europës, skuadrën greke të Olympiacos me rezultatin e thellë 71-53. Për ekipin nga Pireu kjo ishte humbja e parë në këtë edicion të Euroleagues, ndërsa Barcelona regjistroi fitoren e dytë në 5 ndeshje, duke rihapur çështjen e kualifikimit. Olympiacos i bëri rezistencë skuadrës spanjolle vetëm në periodën e parë sepse më pas sfida u dominua nga katalanasit me francezin Seraphin që ishte basketbollisti më i mirë mbi parket për Barçën me 13 pikë 4 rebound dhe 1 asist.
Vazhdon të shkëlqejë CSKA e Moskës. Skuadra ruse regjistroi fitoren e 3-të rradhazi dhe vetëm në sajë të pikavarazhit më të dobët pozicionohet pas Realit të Madridit në renditje. Në kryeqytetin e Rusisë, CSKA-ja mposhti me vështirësi lituanezët e Zalgiris Kaunas me shifrat 94-91. Thjeshtë fantastik në këtë përballje basketbollisti i përfaqësues franceze Nando de Colo i cili koleksionoi 25 pikë 10 asiste dhe 3 rebound për skuadrën ruse ndërsa pikëshënuesi më i mirë rezultoi një tjetër lojtar i CSKA-së, amerikani Clyburn autori i 26 pikëve. Arriti një suskes të rëndësishëm edhe Unicaja Malaga. Skuadra spanjolle thelloi krizën e Anadolu Efes pasi triumfoi brenda në Stamboll me rezultatin 79-74 duke i shkaktuar humbjen e 5-të në po kaq takime skuadrës turke që pozicionohet në vendin e fundit.