Skuadra e Olympiacos, që tashmë e ka siguruar zonën play off në Euroligën e basketbollit, zhvilloi një ndeshje të dobët ndaj Barcelonës në “Peace and Friendship Stadium” të Pireut, duke u mundur 63 – 90. Gjithsesi, pavarësisht këtij suksesi, katalanët kanë shanse minimale për t’u renditur në play off.
Fitore që jep siguri ajo e Khimkit ndaj Maccabit të Tel Avivit, 91 – 94. Amerikani Jackson ishte më i miri mbi parket me 25 pikë, por nuk i mjaftoi skuadrës izraelite për të shmangur humbjen.
Baskonia triumfoi me 20 pikë diferencë me Zalgiris Kaunas, 84 – 79, për t’u ngjitur në vendin e 8-të, i fundit i zonës play off. Vendimtar me lojën e tij uruguajani Granger, që e mbylli takimin me 20 pikë.
Bamberg bëri detyrën përballë skuadrës më të dobët të këtij sezoni, Anadolu Efes, të cilën e mposhti 88 – 79, megjithatë skuadrës gjermane ndoshta nuk do t’i mjaftojnë fitoret e mundshme në ndeshjet mbetura të sezonit të rregullt për të hyrë në play off.
Sfidë spektakolare në Beograd mes Crvena Zvezdas dhe Valencias, që u mbyll 106 – 90. Spikati në këtë përballje basketbollisti nga Republika Domenikane, Feldeine, që shënoi plot 30 pikë për ekipin serb.
