Connect with us

Hi, what are you looking for?

Kategoria Superiore

Europa kalon nga Tirana/ Fatet e Vllaznisë dhe Kukësit, në duart e “bardhebluve”

Europa kalon nga Tirana. “Bardheblutë” e kryeqytetit triumfuan në fundjavë ndaj Partizanit në derbi, duke siguruar matematikisht edhe titullin kampion, të 26-tin në histori.

Tre javë nga fundi, Tirana do të luajë për “formalitet”, por nga kampionët e Shqipërisë varet edhe fati i zonës europiane. Natyrisht, në një moment të tillë, dëshira dhe grinta për të marrë maksimumin ulet dhe po ashtu edhe “vorbulla” e rinovimeve, pasi disa lojtarë të rëndësishëm janë në skadencë kontrate ashtu si vetë trajneri, Orges Shehi.

Gjithsesi, tani Tiranës i duhet të “respektojë” kampionatin deri në fund, në 270 minutat finale të këtij edicioni. Kampionët e Shqipërisë do të presin në shtëpi Vllazninë, në javën e 34-ët, me shkodranët të cilët kërkojnë të “blindojnë” vendin e tretë në kampionat për të pasur të sigurt pjesëmarrjen në Europë dhe për të mos i “varur” shpresat te finalja e Kupës, ndaj Laçi-t.

Pas pengesës shkodrane, Tirana do luajë derbin e fundit në kryeqytet, atë ndaj Dinamos, ndërsa 90 minutat e fundit i luan ndaj Kukësit, një tjetër kundërshtar potencialisht në garë për zonën europiane. Verilindorët nuk kanë rrugë tjetër përveç kampionatit për të prekur Europën, por mbetet për t’u parë se si do të prezantohet skuadra e Longo-s në atë përballje, pasi varet shumë nga dy sfidat e para, në prag të Tiranës.

Kryeqytetasit u rikthyen te suksesi pikërisht përballë Partizanit, pasi ai sukses la pas tre javët pa fitore (1 barazim dhe 2 humbje), duke treguar kështu luhatje në fundin e kampionatit, kjo edhe për vetë faktin e qetësisë nga vendi i dytë, një qetësi që tashmë është plotësisht e sigurt. Pavarësisht “halleve” të rinovimeve dhe kompozimit të skuadrës në sezonin e ardhshëm, “bardheblutë” kanë nisur të mendojnë seriozisht edhe për përgatitjet e prag-Europës, si edhe për rivalin e mundshëm në kualifikueset e Champions League.

Lajme të tjera

Kombëtare

Trajneri Sylvinho analizoi barazimin 2-2 të Shqipërisë përballë Kroacisë në Hamburg, ku preku disa tema të ndryshme. “Mendoj se zhvilluam një ndeshje shumë të...

Euro 2024

Trajneri i Kroacisë, Zlatko Dalic, ka folur për kanalet zyrtare të kombëtares së tij pas barazimit 2-2 ndaj Shqipërisë. Ai deklaroi se në këtë...

Futboll

Vinicius Junior ka përfunduar në shënjestrën e ish-futbollistit brazilian, Carlos Alberto Gomes, i njohur si Pintinho. Ky i fundit që ka bërë karrierë në...

Euro 2024

Momenti i së vërtetës. Shqipëria përballet me Kroacinë në ndeshjen e dytë në grup, në një sfidë ku të dyja skuadrat, të mundura në...