Connect with us

Hi, what are you looking for?

Europa League

Europa League/ Surpriza vjen nga Holanda, Man. United dështon në misionin për kreun

Janë dhënë verdiktet në 4 prej 8 grupeve të Europa Leagues, teksa janë përcaktuar tashmë 8 skuadrat që do të vijojnë më tej aventurën në kompeticionin e dytë më të rëndësishëm për klube në kontinent.

Kështu surpriza më e bujshme erdhi nga Roterdami, me Feyenoordin që mposhti 1-0 Lazion dhe siguroi kalimin në fazën tjetër, duke dërguar italianën në Conference League. Skuadra e Sarrit duhej të mos humbte në Holandë, por nuk ia doli të marrë atë pikë vendimtare.

Në grupin E gjithçka ishte vendosur që të enjten e kaluar, me Real Sociedat e Manchester United që kishin siguruar kualifikimin, ndërsa “djajtë e kuq” triumfuan 0-1 në transfertën baske, por ky rezultat nuk mjaftoi që të marrin vendin e parë.

Fitore minimale 1-0 për Sheriff Tiraspol, që do të vijojë aventurën në Conference League, teksa ky është një lajm mjaft i mirë edhe për mesfushorin shqiptar Regi Lushkja, që nuk luajti në Europa League për shkak të një dëmtimi.

Në grupin G gjermanët e Freiburg ishin të kualifikuar tashmë, teksa të dytët e mbyllën francezët e Nantes, që fituan 0-2 në Pire ndaj Olympiacos dhe parakaluan azerët e Qarabagut, të cilët do të vazhdojnë në Conference League.

Në grupin H, Ferencvaros dhe Monaco u kualifikuan për në turin tjetër, ndërsa turit e Trabzonspor do të duhet të vazhdojnë aventurën e tyre në Conference League, pasi e mbyllën në vendin e tretë, me 9 pikë të grumbulluara.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...