Ka përfunduar në mënyrën më të keqe të mundshme garimi i Daniel Godellit në Kampionatin Europian të Peshëngritjes, që po zhvillohet në Batumi të Gjeorgjisë.
Shtangisti shqiptar, i cili garonte në baterinë A të peshës deri në 81 kg, rrezikoi shumë, duke kërkuar të ngrejë 160 kg që në provën e parë, në stilin e shkëputjes, në të cilën dështoi.
Më pas Godelli shtoi edhe një kg në peshën e synuar dhe dështoi sërish në dy provat e tjera, duke mos arritur të kualifikohet për në dygarësh dhe zonën e medaljeve.
Më herët, në baterinë B të kësaj peshe, garoi peshëngritësi tjetër shqiptar, Erkand Qerimaj, i cili zuri vendin e parë në shkëputje dhe të dytin në dygarësh.
Erkand Qerimaj e mbyll i dyti në Baterinë B Europianin e Gjeorgjisë
