Connect with us

Hi, what are you looking for?

Merkato

Everton “mbyll dyert” për Moise Kean, pritet duel mes Juves dhe PSG-së

Moise Kean po bën mjaft mirë me fanellën e PSG-së ku është në huazim një vjeçar, megjithatë mediat angleze pretendojnë që sulmuesi italian nuk do të kthehet më te Everton, pasi për këtë ka vënë veton trajneri Carlo Ancelotti.

Tekniku italian nuk ka mbetur i kënaqur me sjelljen e sulmuesit 22-vjeçar dhe ka autorizuar drejtuesit e klubit nga Liverpooli, që të negociojnë shitjen e tij, për të investuar më pas në afrimin e të tjerë emrave.

Aktualisht përveç Paris Saint Germain, për sulmuesin Kean është vënë në lëvizje edhe Juventusi, që dëshiron të rikthejë në Torino italianin, vetëm dy sezone pasi e shiti për 30 milionë euro te anglezët e Evertonit.

Sulmuesi nuk ka zhgënjyer në asnjë nga performancat e tij, ndonëse është aktivizuar në krah të emrave më të mëdhenj të futbollit botëror, ndaj Paris Saint Germain është e prirur të blejë kartonin e Kean, por pengesë është çmimi i lartë që pretendon Everton, plot 50 milionë euro.

Nga ana tjetër Juventusi është gati të përfitojë për ta risjellë në Itali sulmuesin, duke ofruar një këmbim me mesfushorin francez Adrien Rabiot, ose mbrojtësin turk Merih Demiral, dy futbollistë që nuk kanë arritur të shndërrohen titullarë në klubin bardhezi dhe njëkohësisht që pëlqehen shumë nga trajneri i Evertonit, Carlo Ancelotti.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...