Everton ka marrë një fitore shumë të rëndësishme në transfertën e Brighton, sfidë e vlefshme për raundin e 35-të të Premier League, ndërsa triumfoi me rezultatin 1-5 në “Amex Stadium”.
Që në minutën e parë miqtë morën avantazhin me Doucoure, që gjeti rrjetën pas asistit të Clavert-Lewin.
Lexo edhe:
- Përgatitjet për ndeshjet e qershorit/ Sylvinho tur takimesh nëpër Europë me lojtarët kuqezi
- FSHF pranon finalen e Kupës së Greqisë, por me një kusht
- Dominim i Red Bullit në Miami, Verstappen thellon diferencën me Perez
- VIDEO/ Përleshje e gjashtë lojtarë me karton të kuq, degjeneron
Në minutën e 29’ ishte po mesfushor 30-vjeçar ai i cili do të shënonte, për të dyfishuar avantazhin e Everton, por këtë herë u asistua nga McNeil.
Një autogol i Steele në minutën e 35’ do ta thellonte avantazhin e skuadrës së trajnerit Dyche, duke e mbyllur pjesën e parë me rezultatin 0-3.
Në fraksionin e dytë takimi ishte më i luftuar, por Everton ia doli të gjente një tjetër gol, me McNeil që bëri “poker” në minutën e 76’.
I vetmi që shënoi për skuadrën e De Zerbit, që në këtë përballje u “shpërfytyrua”, nëse do e krahasojmë me ndeshjet e tjera nën drejtimin e italianit, ishte Mac Allister në minutën e 79’.
Megjithatë Everton nuk u mjaftua me kaq, pasi në minutën 90+6′ McNeil realizoi golin e pestë për ekipin e tij.
Pas këtij takimi Brighton renditet në vend të shtatë me 55 pikë, por vlen të theksohet se “pulëbardhat” kanë dy ndeshje të prapambetura.
Everton nga ana tjetër merr tre pikë shumë të rëndësishme, duke shpëtuar nga zona e rrezikut, pasi shkon në kuotën e 32 pikëve dhe fiton tre vende në renditje, nga vendi i 19-të ngjitet në pozicionin e 16-të.
