E ardhmja e Fabio Borinit duket se është larg Milanit, pasi lojtari nuk shihet si titullar nga Pioli. Kontrata e 28-vjeçarit është në prag të përfundimit dhe për të mos e humbur futbollistin me parametër zero, kuqezinjtë janë gati ta shesin gjatë merkatos së janarit.
Për lojtarin ka shfaqur interes skuadra e Torinos, pasi Borini pëlqehet shumë nga trajneri Walter Mazzarri, i cili e ka vendosur futbollistin në krye të listës së tij të merkatos. Por para se të shpenzojë, klubi “granata” më parë duhet të shesë jo pak por dy lojtarë, Zazan e Iago Falquen, të cilët duket se nuk bëjnë pjesë në planet e skuadrës nga Torino.